O 30 de xaneiro celébrase o día escolar da non violencia e da paz. Na clase sempre facemos algunha actividade para reflexionar sobre este día, e este ano, aproveitando que estamos profundizando no continente africano, traballamos sobre a fascinante historia de Wangari Maathai, que recibiu o Premio Nobel da Paz no ano 2004
Para isto, recurrimos ao libro“Wangari y los árboles de la paz”.
Wangari vivía rodeada de árbores. Cando crece, comeza unha masiva deforestación e Wangari teme que pronto todo o bosque sexa destruido. Decide sembrar nove arboliños e iniciar unha acción ecoloxista en favor da reforestación, o Movemento do Cinturón Verde, chegando a ser responsable da plantación de máis de 30 millóns de árbores en toda Kenia e de millorar a calidade de vida das mulleres.
As nosas vidas mellorarán si voltamos a ter árbores.
Plantaremos as sementes da esperanza.
Pero creo que o millor é que disfrutedes vos mesmos desta preciosa historia. Facendo click na seguiente imaxe, disfrutaredes deste precioso conto que transmite valores tan importantes. Cando remate a historia, encontraredes diferentes actividades para pasar un bo rato e reforzar o aprendido.
E para rematar podedes ver un vídeo moi curtiño pero moi inspirador da protagonista desta historia: “SERÉ UN COLIBRÍ”
Esta breve historia anímanos a non resignarnos ou dar a espalda aos problemas que pensamos que son demasiado grandes ou escapan ao noso alcance (como, por exemplo, eu non podo facer nada contra a fame no mundo). Sin embargo, moitas veces podemos aportar un graniño de area, e moitos graniños de arena forman un deserto, como moitas gotiñas de agua apagan un incendio.
BIBLIOCURROS 